Nano بالعربي

  و أخيرا وصلنا للحلقة الأخيرة من النانو كربون هنتلكم فيها عن شكلين الbuckyball و اللي هي كرة القدم بتاعة النانو :) و الماس اللي قيمته بتعلي أكتر بكتير لما بيبقي نانو  تعالو نشوف . الفوليرين Fullerenes (Buckyballs) زي ما هو واضح في الصورة هي شبه كورة القدم ... وممكن حد يتخيل إنها عبارة عن جرافين واخد شكل كورة ولكن ده مش حقيقي ... في فرق في شكل رصة الذرات .. بص علي الصورة ;)   الجرافين عبارة عن حلقات سداسية من ذرات الكربون وده بيخليها تبقي مستوية إنما الفوليرين عبارة عن حلقات سداسية وخماسية و دة بيخليها تبدأ تتني وتاخد شكل الكورة ... ودي حاجة هندسية نقدر نشوفها في مجسمات كبيرة مش بس في الذرات زي في المبني ده    ونقدر نتحكم في الحجم من خلال عدد الذرات اللي بيكونها وطبعا التطبيقات في المجالات المختلفة لا تعد ولا تحصي زي إيه؟؟ العلماء بيعملو أبحاث عشان يستخدموا الفوليرين في انهم يحبسوا البكتريا الضارة أو الفيروسات ... فمثلا في علماء استخدموا الفوليرين في انهم ينقوا المياه من البكتريا وفي علماء تانيين ...

بنتكلم النهاردة عن مواد النانو المعدنية ( metallic nano- particles )... و النوع دة من مواد النانو يا حضرات مليان انبهارات و مفاجئات تعالوا نشوف ;)   أول انبهار: عمرك شفت حاجة لونها بيتغير علي حسب الحجم؟ !! دة بيحصل في مواد النانو المعدنية ( metallic nano- particles ) زي اللي في الصورة...     و المبهر أكتر زي ما هو واضح في الصورة ان الشكل كمان بيتحكم في اللون يعني لو بصيت علي أول اتنين (من الشمال) هتلاقي ان حجمهم متقارب و لكن الشكل مختلف و دة نتج عن لونين مختلفين!!! و طبعا مفيش حاجة بتحصل من غير سبب تغير لون المعدن ناتج عن ظاهرة اسمها ( surface Plasmon resonance ) و لكن دة موضوع يطول شرحه لذلك ليها لينك آخر الموضوع.. و إن شاء الله ابقي اتكلم عنه في موضوع منفصل... و لكن يكفي المرة دي اني اقول ان تفاعل المادة مع الضوء بيتغير. ثاني انبهار: كلنا عارفين ان درجة حرارة الانصهار   ثابتة لأي مادة زي مثلا الثلج درجة ذوبانه حوالي صفر .. في المعادن بقي الموضوع بيختلف لأن درجة حرارة الانصهار بتفضل ثابتة لحد ما...

ايه اكبر مشكلة في الأدوية حاليا؟ - السعر - لا لا انا اقصد مشكلة تانية - امممم الأثار الجانبية ؟ مظبوط الأثار الجانبية من أكبر المشاكل الموجودة حاليا ... يعني مثلا لو جالك شوية صداع و حبيت تاخد مسكن تيجي تبص عالنشرة الداخلية تلاقي بلاااااااوي في الآثار الجانبية... فتقرر انك ترمي العلبة في الزبالة و تشرب كوباية شاي تظبط دماغك و تخليك زالفل : D طب ايه اللي بيسبب الاثار الجانبية للدوا؟ اللي بيسبب الاثار الجانبية هو ان الدوا بيوصل لكل أجزاء الجسم مش للجزء اللي فيه مشكلة بس .. فمثلا ناخد مرض السرطان كمثال: لو المريض عنده سرطان في الكبد مثلا, السرطان دة عبارة عن خلايا خبيثة بتتكاثر بشكل جنوني و بتكون ورم. علاج السرطان بيكون من خلال قتل الخلايا دي و هو دة اللي بيعمله العلاج الكيماوي. و لكن للأسف العلاج الكيماوي بيأثر علي كل خلايا الجسم فممكن يموت خلايا عادية و دة طبعا بيضعف الجسم فالمريض يبدأ يعاني من الإرهاق و فقر الدم و فقدان الوزن و قلة المناعة فبيتعب من أقل حاجة و طبعا زي ما كلنا عارفين شعره بيقع.   بس لسة في أم...