و أخيرا وصلنا للحلقة الأخيرة من النانو كربون هنتلكم فيها عن شكلين الbuckyball و اللي هي كرة القدم بتاعة النانو :) و الماس اللي قيمته بتعلي أكتر بكتير لما بيبقي نانو
تعالو نشوف
. الفوليرينFullerenes (Buckyballs)
زي ما هو واضح في الصورة هي شبه كورة القدم
... وممكن حد يتخيل إنها عبارة عن جرافين واخد شكل كورة ولكن ده مش حقيقي ... في
فرق في شكل رصة الذرات .. بص علي الصورة ;)
الجرافين عبارة عن حلقات سداسية من
ذرات الكربون وده بيخليها تبقي مستوية إنما الفوليرين عبارة عن حلقات سداسية وخماسية
و دة بيخليها تبدأ تتني وتاخد شكل الكورة ... ودي حاجة هندسية نقدر نشوفها في
مجسمات كبيرة مش بس في الذرات زي في المبني ده
ونقدر نتحكم في الحجم من خلال عدد الذرات
اللي بيكونها وطبعا التطبيقات في المجالات المختلفة لا تعد ولا تحصي
زي إيه؟؟
العلماء بيعملو أبحاث عشان يستخدموا الفوليرين
في انهم يحبسوا البكتريا الضارة أو الفيروسات ... فمثلا في علماء استخدموا
الفوليرين في انهم ينقوا المياه من البكتريا وفي علماء تانيين كانوا بيحاولو
يستخدموا الفوليرين في محاربة فيروس الHIV و اللي بيسبب مرض الايدز. ولازم الكورة يكون
ليها حجم معين ويتم إجراء عليها بعض التعديلات عشان تقدر تعمل ده.
. الماس Nanodiamond
طبعا احنا عارفين من قبل كدة ان أي تغير في
الشكل بيديك صفات وتطبيقات جديدة وعشان كدة النانو ماس ليه صفاته الخاصة بيه وتطبيقاته
اللي مفيش مادة تانية تقدر تنفذها زيه.
مثال ..
شكل الماس اللي شبه الهرم شوية ده اداله ميزة
إنه بيمتص بسرعة من خلايا الجسم ... فنقدر نستخدمه في صناعة منتجات العناية
بالبشرة فتمتص أحسن وتأثيرها يبقي أكبر.
الأهم بقي هو علاج أورام المخ – والعياذ بالله
– أورام المخ من أصعب الأورام في علاجها ودة لأن المخ محاط بأوعية دموية كتير جدا عشان
تحافظ عليه.. فعشان الدوا يقدر يوصل للمخ لازم يعدي من كل الأوعية الدموية دي، ودي
عملية بتاخد وقت كبير جدا و أكيد مش كل الدوا بيقدر يوصل للورم ... النانو ماس بقي
لما بيتحط بيمسك مع الدوا بيقدر يخترق كل الحواجز اللي بتحيط بالمخ وبيخترق الخلية
السرطانية نفسها ويخلي الدواء يقضي وقت أطول جوا الخلية عشان تأثيره يبقي أفضل.
الخلاصة
النانو كربون بكل أشكاله ليهم خواص و تطبيقات
مذهلة .. والحقيقة أنا مادتهمش حقهم لأن خواص المواد دي أكبر بكتير من أننا نتكلم
عنهم في موضوعبن أو تلاتة ...
ولكن حاولت أوصل ولو جزء صغير منهم
وإن شاء الله المرة الجاية نتكلم عن نوع جديد
من مواد النانو ;)
لينكات أكثر عمقا
review on fullerenes
تعليقات
إرسال تعليق